Орусиянын президенти Владимир Путин Роскосмос мамлекеттик корпорациясынын жетекчиси Дмитрий Рогозинди кызматтан алды. Анын ордуна мурдагы вице-премьер Юрий Борисов дайындалды. Тиешелүү жарлыктар Кремлдин сайтында жарыяланды.
Орусиянын Коргоо министрлиги Украинанын Винница шаарына "Калибр" ракеталарынан урулган соккуларды ырастап, ал тийген “Офицерлер үйү” деп аталган имаратта “украин командачылыгы менен чет элдик курал жеткирүүчүлөрдүн жыйыны өтүп жатканын” билдирди. Мекеменин маалыматында чабуулдун натыйжасында иш-чаранынкатышуучулары жок кылынган.
Украинанын Харьков облусуна караштуу Чугуев шаарында ишембиде, 16-июлда эртең менен орус аскерлеринин аткылоосунун бир үй жарым-жартылай кыйрады. Анда үч адам мерт болуп, дагы үчөө жараат алды.
Ошондой эле Днепропетровск облусундагы Никополь кварталы дагы аткыланганы, учурда куткаруу-издөө иштери уланып жатканы кабарланды.
АКШнын мамдепартаменти Эстонияга HIMARS куралын сатууну колдоду
Кошмо Штаттарынын Мамлекеттик департаменти Эстонияга америкалык HIMARS жогорку мобилдүү артиллериялык системасын сатууну колдоду.
Сатып-алуунун баштапкы баасы 500 миллион доллар деп бааланып жатат. Бул тууралуу АКШнын Коргонуу жана коопсуздук жаатында кызматташуу агенттиги билдирди.