4-мартта Кыргызстандык коммерциялык банктарда жана менчик акча алмаштыруучу жайларда 1 АКШ доллары 98 сом 50 тыйынга чейин сатылууда. Улуттук банк 5-мартка карата расмий курсту 97 сом 67 тыйын деп белгиледи.
Украинадагы согуштан улам орус экономикасы басымга учураган сайын кыргыз сомунун куну дагы төмөндөйт деген кооптонуу айтылып жатат. 25-февралга чейин 1 доллардын наркы 85 сомдун тегерегинде болгон.
Улуттук банк жыл башынан бери сомдун курсун туруктуу кармоо үчүн үч жолу интервенция жасап, 169 млн. долларды каржы базарына чыгарган. Акыркы жолу 24-февралда 14 млн. доллар сатты.
Facebook шеринеси