Ирактын коопсуздук күчтөрү Сирия тарапта белгисиз учкучсуз учактын соккусунан кеминде эки күйүүчү май ташыган унаа жок кылынганын билдирди. Алар Reuters агенттигине кабарлагандай, окуя шейшемби күнү кечинде Ирак менен чектешкен жерде болгон.
Сокку Каим чек ара бекетинен Сирияга кирген ирандык күйүүчү май ташыган танкердик жүк ташуучу автокербенге урулган.
Чек ара полициясынын эки кызматкеринин айтымында, 20дан ашуун цистерна менен бараткан кербен Ирак менен Сириянын чек арасын мыйзамдуу кесип өткөн. Транспорттук документтерге ылайык, күйүүчү май ташыган автоунаа Сирия аркылуу Ливанга бараткан.
Курмандыктар тууралуу маалымат жок.
Шаршемби күнү АКШ армиясы соккуга эч кандай тиешеси жок экенин билдирди.
Дагы караңыз
Facebook шеринеси