Ошто мэр алмашты. Алмаз Мамбетов кызматтан бошотулуп, анын ордуна Бакытбек Жетигенов келди. Экс-депутат Жетигенов былтыр "Бийликти күч менен басып алууга даярдануу" деген айып менен кармалып, кайра бошотулган. Соңку эки жылда Кыргызстанда үй-бүлөдөгү зомбулуктан 20 аял көз жумуп, дагы 10 миңдей кыз-келин жакындарынан кордук көргөн. Бул арада Жогорку Кеңеште зомбулук көрсөткөндөрдүн жазасын катаалдатуу сунушталууда. Казакстан, Өзбекстан жана Орусия үч тараптуу "газ биримдигин" түзүүнү көздөп жатат. Демилге орус лидери Владимир Путинге таандык экени айтылууда. Өзбекстан азырынча буга расмий комментарий бере элек.