Линктер

ЧУКУЛ КАБАР!
18-Май, 2024-жыл, ишемби, Бишкек убактысы 14:04

Майлуу-Суу: балатыны өрттөгөн аялга түшүндүрүү иштери жүргүзүлдү


Өзгөчө кырдаалдар министрлиги тараткан сүрөт. Кара-Көл шаарынын борбордук аянтына коюлган балаты. 1-январь, 2022-жыл.
Өзгөчө кырдаалдар министрлиги тараткан сүрөт. Кара-Көл шаарынын борбордук аянтына коюлган балаты. 1-январь, 2022-жыл.

30-декабрга караган түнү Жалал-Абад облусунун Майлуу-Суу шаарында балаты өрттөгөн деген шек менен 34 жаштагы аял кармалып, ага түшүндүрүү иши жүргүзүлдү.

Бул тууралуу Жалал-Абад облустук ички иштер башкармалыгынын басма сөз кызматы билдирди. Маалыматта шектүү келин "Аяз ата жок, ишенбейм!" деп балатыны өрттөп жибергени тууралуу көрсөтмө бергени айтылат.

Майлуу-Суу шаардык мэриясы билдиргендей, балаты маданият үйүнүн жанына 25-декабрда орнотулган. Бийиктиги 5 метр, туурасы 1,5 метрди түзгөн балатыны кооздоого 90 миң сомдой каражат бөлүнгөн. Учурда келтирилген чыгымды төлөтүү боюнча иштер жүрүүдө.

Буга чейин Кара-Көл шаарында дагы балатыны жергиликтүү төрт жаран өрттөп жиберген. Аларды милиция кармап, чыгымдарын төлөтүп, балаты кайра орнотулган. (ТВ)

Facebook шеринеси

XS
SM
MD
LG