Линктер

ЧУКУЛ КАБАР!
2-Февраль, 2023-жыл, бейшемби, Бишкек убактысы 03:29

Кыргызстан менен Өзбекстан биргелешип машина чыгарууну пландоодо


Кыргызстандын жана Өзбекстандын мамлекеттик туулары.

Кыргызстан менен Өзбекстан унаа тетиктерин чыгарып, жыйноочу завод курууну пландоодо. Буга байланыштуу сүйлөшүүлөр 2017-жылы башталганын Инвестиция боюнча улуттук агенттиктиктин жетекчисинин орун басары Нурадил Баясов "Азаттыкка" билдирди.

Анын айтымында, заводдун курулушу боюнча келишимге өзбек президенти Шавкат Мирзиёевдин Бишкекке сапары учурунда кол коюу паландалууда.

"СССР мезгилиндеги өндүрүштүк кубаттуулуктун сакталышына байланыштуу Кыргызстан менен Өзбекстандын шарты ар башка экенине байланыштуу айрым тоскоолдуктар болгон. Ушул убакыттын ичинде биз ошол нерселерди жоюу үчүн иштеп келдик. Бул маселе менен Экономикалык соода министрлиги алектенет", - деди Баясов.

Буга чейин kun.uz. сайты автомобилдин 19 түрүн (микроавтобус, пикап, жеңил унаа) чыгара турган завод Чүй облусунун Ак-Суу айылында куруларын жазган. Ага ылайык, завод жылына 3 миң автомобиль чыгарууну, аны акырындап 30 миңге жеткирүүнү пландоодо. Кыргызстандын Экономика министрлиги азырынча жооп бере элек.

19-январда Кыргызстандын тышкы иштер министри Жээнбек Кулубаев Өзбекстандын президенти Шавкат Мирзиёев мамлекеттик сапар менен “эң жакынкы арада” келери пландалып жатканын басма сөз жыйында билдирген.

Кулубаев былтыр ноябрда Өзбекстандын башкы дипломаты Владимир Норов Бишкекке келгенде Мирзиёевдин сапарынын күн тартиби, мазмуну деталдуу түрдө талкууланганын, сапарды жаңы жылга чейин уюштуруу планы болгонун, бирок Өзбекстандагы климаттык кырдаалдан улам алар сапарды кийинкиге калтыра турууну суранышканын кошумчалады.

Мирзиёев Кыргызстанда былтыр 10-декабрда келери айтылып, бирок сапар болбой калган. Кыргыз тарап ал жыл аягына чейин келерин кабарлаган.

Коңшу өлкөнүн башчысынын Бишкекке сапары учурунда кол коюла турган документтердин бири чек арага байланыштуу болору пландалууда. (КЕ)

Facebook шеринеси

XS
SM
MD
LG