Монголия бир жагынан табышмактуу, ошол эле маалда өз жолу менен өнүгүп бараткан өлкө. Тарыхтын бир доорунда эң кубаттуу жана дүйнөнүн бир топ жерин багындырган империялардын бири болгон. Монголия түштүк тарабынан дүйнөдө эң көп эли бар Кытай менен чектешсе, түндүгүндө аянты жагынан Жер бетинде биринчи орунду ээлеген Орусия турат. Экөө менен тең Монголиянын алака-катышы ары узак, ары татаал.