Линктер

ЧУКУЛ КАБАР!
13-Июнь, 2024-жыл, бейшемби, Бишкек убактысы 07:57

Bloomberg: АКШ Украинага дагы 2 млрд долларлык жардам берет


Пентагондун башчысы Остин Ллойд менен Украинанын премьер-министри Денис Шмыгаль.
Пентагондун башчысы Остин Ллойд менен Украинанын премьер-министри Денис Шмыгаль.

Кошмо Штаттардын Коргоо министрлиги Украинага дагы эки миллиард долларлык жардам көрсөтөрүн жарыялаганы турат. Бул тууралуу Bloomberg Ак үйдөгү өз булактарына таянып жазды.

Киев ал акчаны Hawk ракеталарын, ракета учуруучу техника жана абадан коргоочу Patriot системаларына эки түрдүү ракета сатып алууга сарптайт. Украина ошондой эле тактикалык баллистикалык, канаттуу ракеталарды атып түшүрүүгө ылайыкташкан системаларды алмакчы.

Басылманын маалыматына ылайык, Украина контрчабуул баштаганын расмий жарыялаганда АКШ жаңы жардам тууралуу билдирет.

Абадан коргонуу системасын бекемдөө Киев үчүн маанилүү маселелердин бири. Орусия Украинанын бардык аймактарын авиациядан сокку урууну улантып жатат. 9-июнга караган түнү орус армиясы 16 «Шахед» дрону, алты канаттуу ракета менен чабуул койгон. Укриананын абадан коргонуу системасы тогуз дронду жана төрт ракетаны атып түшүргөн.

Facebook шеринеси

XS
SM
MD
LG