Арстан Алай деген ат менен белгилүү Арстанбек Абдылдаев 5-январда Чүйдөгү №31 түзөтүү мекемесинде каза тапты. Маркумдун жакындары иликтөө жүргүзүүнү бийликтен суранган. Юстиция министрлиги комиссия түзгөнү, Башкы прокуратура текшерүү иштерин баштаганы маалым болду. Абакка камалгандан кийин ооруканага түшүп же камерада өлүмгө дуушар болгон окуялар буга чейин да катталган. “Эксперттер талдайт” берүүсүндө абактагы өлүм менен аяктаган окуяларды, анын себептерин талкууладык.