22-майда “Манас” эл аралык аэропортуна бомба коюлган деген маалыматтан улам аэропорттун кызматкерлери менен жүргүнчүлөр эвакуация болуп жатат.
Аэропортто саат 15:00дө жарылуу болору кабарланып, жүргүнчүлөрдү каттоо токтотулду. Пландалган рейстер аткарылууда.
16-майда да ушундай эле маалымат түшүп, анда аэропорттон жардыруучу зат табылган эмес.
Бишкектен 23 чакырым алыстыкта жайгашкан “Манас” эл аралык аэропорту Кыргызстанда маанилүү транспорттук мекеме болуп саналат.
Анын курамына Кыргызстандын аймагындагы 11 аэропорт карайт. Алардын бешөө – “Манас”, “Ош”, “Ысык-Көл”, “Каракол” жана “Баткен” эл аралык, ал эми алтоо –“Жалал-Абад”, “Исфана”, “Караван”, “Казарман”, “Нарын” жана “Талас” аймактык макамга ээ. (BTo)
Дагы караңыз
