Мен көргөн Украина

"Азаттыктын" журналисттери Айбек Бийбосунов менен Бектур Стамкулов Украинадагы кырдаалды жеринен көрүп келишти. " Мен эки жарым жылдан бери согуш баскан Украинага барам деп ойлогон эмесмин. Бир апталык сапарда кесиптешим Бектур экөөбүз адегенде Одессага жетип, анан баш калаа Киевге бардык. Согуштун алааматын Буча, Ирпин, Бородянка шаарларына барганда өз көзүбүз менен көрдүк. Орусия менен чек арада турган, Украинанын экинчи ири шаары Харьковго барганда өмүрүбүзгө коркунуч жаралган учурлар да болду. Кыргызстанга аман-эсен келгенибизде тынчтыктын баркын даана сездик", - дейт Айбек.