Жогорку Кеңештин депутаттарын шайлоо боюнча жаңы мыйзам долбоору коомдук талкууга чыкты. Ага ылайык, өлкө боюнча 30 аймактык шайлоо округу түзүлүп, ар биринен үчтөн депутат шайланышы, алардын бирөө аял талапкер болушу керек. Ошентип, бир учурда парламентаризм курууга ниеттенген Кыргызстан партиялык шайлоо системасынан баш тартып, бир мандаттууга өткөнү жатат. Сунушталган система эмнеси менен айырмаланат? Мыйзам долбоору тууралуу "Азаттыктын" “Эксперттер талдайт” программасында кеңири сөз болду.