Жогорку Кеңештин жетинчи чакырылышы кезектеги сессиясын жыйынтыганы турат. Эл өкүлдөрү соңку бир жылдын ичинде тарыхый чечимдерди кабыл алганын, аткаруу бийлиги менен тыгыз иштешкенин айтышат. Ошол эле учурда азыркы парламентти “демилгени колдон чыгарды, эрки сынды” деп сындагандар да жок эмес. Буга бийликке каршы сүйлөгөн депутаттардын мандатынан ажырап калышын мисал кылып жатышат. “Эксперттер талдайт” берүүсүнүн бүгүнкү чыгарылышында Кыргызстанда президенттик башкаруу орноп, мыйзам чыгаруу бийлигинин укуктары чектелген учурда иш алып барып жаткан парламенттин соңку бир жылдагы ишмердиги боюнча сөз кылабыз.