"Украинага кеткенден бери дайынсыз". Согушта жоголгон кыргыздар

Орусияда миграцияда жүргөн жакыны Украинадагы согушка азгырылып кеткенин айтып, "Азаттыкка" кайрылгандардын аягы үзүлө элек. Ал тапта Украинанын "Хочу найти" долбоору КМШ өлкөлөрүнөн дайынсыз кеткен жакындарын издегендердин саны эки эсе өскөнүн билдирди. Жалпысынан бул долбоорго кайрылгандардын саны 200 миңге чукулдаган. Согушта туткунга түшкөндөр арасында кыргызстандыктар дагы бар. Алардын санын аныктоого мүмкүн эмес. "Азаттык" Украинадагы согушка азгырылып, кийин дайынсыз кеткен жакынын издеген  кыргызстандыктар тууралуу айтып берет.