АКШ менен Иран келишимге кол коюуга жакындап калды. Бул тууралуу Bloomberg жана CBS News жогорку даражалуу чиновниктерге жана "Жетилик тобунун" өлкөлөрүнүн өкүлдөрүнө таянып билдиришти.
Булактардын маалыматы боюнча, документ өз ара түшүнүшүү меморандуму түрүндө таризделет.
Bloomberg агенттигинин маектештеринин бири Тегерандын акыркы макулдугу азырынча алына элек болсо да ага жекшемби күнү Женевада же Эвианда (Франция) өтө турган эл аралык жолугушууларда кол коюлушу мүмкүн экенин билдирди.
АКШ президенти Дональд Трамп буга чейин Иран менен тынчтык келишими Европа өлкөлөрүндө жакынкы дем алыш күндөрү кол коюлушу мүмкүн экенин билдирген.
Axios кабарлагандай, меморандумдун тексти буга чейин макулдашылган, бирок тараптардын акыркы бекитүүсүн талап кылат. Документтин долбооруна ылайык, Иран өзөктүк курал жасоого умтулбоого жана байытылган уран запастары маселесин жөнгө салууга милдеттенет. Анын ордуна АКШ санкцияларды жумшартууну жана экономикалык кызматташтыкты калыбына келтирүүнү карап чыгышы мүмкүн.
Документ ошондой эле Ормуз кысыгын эл аралык кемелердин кошумча төлөмсүз өтүүсү үчүн ачууну жана ташуу көлөмүн согушка чейинки деңгээлге чейин акырындык менен калыбына келтирүүнү карайт. Буга жооп катары Вашингтон Иран портторунун блокадасын алып салышы керек болот. Bloomberg агенттигинин маалыматы боюнча, меморандумга кол коюу процесстин биринчи гана этабы болуп, АКШ менен Ирандын ортосундагы кеңири келишим боюнча 60 күндүк сүйлөшүүлөрдүн айлампасын ачат.
Шерине