Израилдеги кандуу чабуулга, Газадагы согушка үч жыл

7-октябрда Израил менен ХАМАСтын ортосундагы согушту тутанткан кандуу чабуулга үч жыл толду. Израилде 1200дөй адамдын өмүрүн алган чабуулдун курмандыктарын эскеришти. Газада болсо согуштун изи дагы деле өчө элек. Калаалардын бир топ бөлүгү урандыга айланган. Миңдеген үй-бүлө жакындарын жоготкон. Айрымдары үч жыл мурда уранды алдында калган туугандарынын сөөгүн эми гана таап, жерге берип жатат.