Бул тууралуу “Азаттыкка” Жогорку Кеңештин депутаты Акылбек Жапаров билдирди. Анын айтымында, мындай көрсөткүчтөрдү Бириккен Улуттар уюмунун Азык-түлүк программасы келтирди. Маалыматка ылайык, өлкөдөгү азык-түлүк жетишпеген катмардын көбөйүшүнө акыркы мезгилде дүйнөдөгү тамак-аш баасынын өсүп кеткени себеп болууда. “Мындан улам азык-түлүк коопсуздугу боюнча жумушчу кеңештин бул багыттагы так иш планы шашылык түрдө бекитилүүгө тийиш”,-деди Жапаров.
