Жогорку Кеңеш “Бажы тарифтери” тууралуу мыйзам долбоорун карап чыгып, сырттан алынып келген негизги азык-түлүктөр үчүн бажы төлөмдөрүн нөл пайызга чейин түшүрүү чечимин жактырды. Ага ылайык, шекер, ун, өсүмдүк майы, күрүч жана гречка азыктары бажы төлөмүсүз Кыргызстанга келе турган болду. Депутаттар жергиликтүү эт өндүрүүчүлөр үчүн шарт түзүү керектигин белгилешип, сырттан келе турган этке бажы төлөмдөрдү калтыруу чечимин кабыл алышты. (KKs)
