“Балдар үчүн өнөктөштүк” деген темадагы көргөзмө-жарменке Улуттук китепканада өтүүдө. Анда бардык региондордогу балдар укугун коргоо багытында иштеп келаткан 50 чакты бейөкмөт уюмдардын жетишкендиктери, жасаган иштери көрсөтүлүп жатат. Жыйынга социалдык коргоо министри Айгүл Рыскулова катышып, министрлик жасабаган иштерди бейөкмөт уюмдар жасап жатканын белгиледи. Көргөзмөдө балдар укугун коргоо багытындагы китепче, баракчалар жана дисктер да таратылууда. (КЕ)
