"Азаттык" 2018-жылдын июнь айында "Мен билген Айтматов" аттуу сынак жарыялаган. Ага жүздөн ашуун сүрөттөр келип түшкөн. Алардын айрымдары жазуучу менен качандыр бир кезде түшкөн, сары майдай сактап жүргөн сүрөттөрүн да жиберген эле. Ошол сынакка келген сүрөттөр топтомун окурмандарга сунуштайбыз.
Айтматовдун унутулгус элестери
Бүгүн, 12-декабрь залкар жазуучу Чыңгыз Айтматовдун туулган күнү.
1
Сүрөттө: 1953-жыл, 1-Май парадынын алдында. Солдон оңго: Чыңгыз Айтматов, Кыргыз айыл чарба институтунун 5-курсунун студенти, М.Н.Лущихин – институттун ректору, А.С.Лукьяненко – институттун парткомунун катчысы, Кубаткул Касымбеков – институттун 5-курсунун студенти. Сүрөттү Ысык-Көлдөн Рыскул Касымбеков жиберген.
2
“Саманчынын жолу” спектакли даярдалып жаткан күндөр. Солдон онго карай: режиссер Медербек Назаралиев, театрдын директору З.Тургунбаев, жазуучу Чыңгыз Айтматов жана режиссер Жалил Абдыкадыров. Сүрөттү: режиссер Медербек Назаралиевдин кызы Нарынкүл Назаралиева жиберген.
3
Антракт учурунда: Солдон онго Толгонай - Гүлшара Дулатова, автор Чыңгыз Айтматов жана Жер эне – С.Балкыбекова.
4
Чыңгыз Айтматов окурмандары менен жолугушууда. Ирмтрауд Гучке (оңдон экинчи). Республика сарайы. Берлин, 1973-ж. И. Гучкенин жеке архивинен.
5
Чыңгыз Айтматов пахта талаасында. Өткөн кылымдын 70-жылдары тартылган сүрөт. Сүрөттү Сүйүнбай Капаров салып жиберген.
6
Сүйүнбай Капаровдун архивинен алынган сүрөт.
7
Айтматов жана анын элеттик күйөрмандары. Сүйүнбай Капаровдун архивинен алынган сүрөт.
8
Айтматовдун тажик улуттук кийими менен түшкөн сүрөтү. Сүрөттү редакцияга жазуучу Мирзохалим Каримов сунуш кылды.
9
Тажик элинин таланттуу журналисти, 1990-жж. жарандык согуш маалында курман болгон Максуд Хусейновдун кызы Жамийла. Сүрөттү кыргыз-тажик жазуучусу Мирзохалим Каримов салып жиберген.
10
Чыңгыз Айтматов жана анын жанында калпак кийип турган Рахматулла Козукеев.
11
Муса Мураталиев (оңдо) Кремлде кыргыз жазуучулары менен. 1986-жыл. Солдон онду карай: К. Жусупов, К. Артыкбаев, С. Жусуев, Т. Сыдыкбеков, Ч. Айтматов, З.Сооронбаева, М. Абылкасымова, Т. Касымбеков. Сүрөттү тарткан Н. Кочнев.
12
Кыргыз Республикасынынын билим берүү отличниги Замир Алдаяров менен Чыңгыз Айтматов кол алышууда. 2007-жыл
13
"Сильва" окуу борборунун жетекчиси Апилмажун Темиралиев, Эл жазуучусу Чыңгыз Айтматов жана Кыргыз Республикасынынын билим берүү отличниги Замир Алдаяров.
14
Чыңгыз Айтматов "Кыргыз Туусу" гезитинин жамааты жана Эркингүл Тургунбекова менен. 2004-жыл.
15
Чыңгыз Айтматов жана Эркингүл Тургунбекова. "Кыргыз Туусу" гезитинин жамааты менен жолугушуу учурунда тартылган сүрөт. 2004-жыл.
16
Чыңгыз Айтматовду тосуп алуу. Апилмажун Темиралиев жиберген сүрөт.
17
Апилмажун Темиралиев жиберген сүрөт.
18
Чыңгыз Айтматов жана Апилмажун Темиралиев.
19
"Азаттыктын мен билген Айтматов" сынагына Бүбүсара Шамурзаева жиберген сүрөт. 2008-жыл
20
Чыңгыз Айтматов менен адабий серепчи Осмонакун Ибраимов. (Сүрөт О.Ибраимовдуку).
