Линктер

ЧУКУЛ КАБАР!
шейшемби, 10-декабрь, 2019 Бишкек убактысы 03:57

Зомбулукка көз жумган коом ыдырайт


Иллюстрациялык сүрөт.

«Зомбулукка каршы 16 күн» деп аталган жылдык салттуу акцияга кыргыз коомчулугу 26-ноябрда кошулду. Кыргыз өкмөтү үй-бүлөдөгү зомбулук кыргыз коомунда да олуттуу көйгөй экенин белгиледи. «Азаттыктын» кабарчылары бул көйгөйдү каармандар аркылуу ачып бергенге аракет кылышат.

Ошто төрт балалуу аял күйөөсүнүн запкысынан качып кризистик борбордо баш калкалап турат.

Жабырлануучу ур-токмоктон башына зак кетип, эс-учун жоготуп койгон илдет жармашканын айтууда. Ош шаарындагы “Ак жүрөк” кризистик борборунда ага медициналык жана психологиялык жардам көрсөтүлүп жатат.

Ал арада Жалал-Абаддагы кризистик борборго жардам сурап кайрылгандар көбөйгөнүн билдиришти. Анткен менен зомбулук көрсөткөндөрдүн жоопко тартылган учурлары сейрек. Алсак, Базар-Коргон районунун аялын токмоктогон тургунуна козголгон кылмыш иши сотто кыскартылды. Буга жабыр тарткан аялдын күйөөсү менен жарашып алып, тосмо арыз жазып бергени себеп болду.

Ысык-Көлдө да дал ушундай көрүнүш. Үй-бүлөлүк зомбулуктан жабыркаган 21 жаштагы Айжан үч баласы менен туш келди жерде баш калкалап жашаганга аргасыз. Ага зомбулук көрсөткөн күйөөсү мыйзам алдында жоопко тартылган эмес.

Үй-бүлө зомбулугунун азабын бели ката элек балдар да тартууда. Андай балдардын бешөө азыр Нарындагы «Аруу Тилек» кризистик борборунда жашап жатат. Адистер зомбулук айынан наристелер балалыктын бактылуу доорун сүрө албай жатканын айтышууда.

Расмий маалыматтарга ылайык, Кыргызстанда жылына 9 миңге жакын үй-бүлө ажырашат. Анын башкы себебин адистер үй-бүлөлүк зомбулукка байлашат.

Апта түрмөгүнүн толук версиясын аудиодон угуңуз.

Зомбулук - улут уңгусуна доо кетирет (аудио)
please wait

No media source currently available

0:00 0:20:52 0:00

Эскертүү!

«Азаттыктын» материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.

  • 16x9 Image

    Медербек Ниязалиев

    "Азаттыктын" Оштогу кабарчысы. Ош мамлекеттик университетинин филология факультетинин кыргыз тили, адабияты жана журналистика бөлүмүн аяктаган.

  • 16x9 Image

    Руслан Калматов

    "Азаттыктын" Жалал-Абад облусундагы кабарчысы. Жалал-Абад Мамлекеттик университетинин филология жана журналистика факультетин аяктаган.

  • 16x9 Image

    Кундуз Сырдыбаева

    Кундуз Сырдыбаева "Азаттыктын" Ысык-Көл облусу боюнча кабарчысы. Каракол шаарындагы Касым Тыныстанов атындагы Ысык-Көл мамлекеттик университетинин журналистика бөлүмүн аяктаган.

  • 16x9 Image

    Мирлан Кадыров

    "Азаттыктын" Нарын облусундагы кабарчысы. 2009-жылы Нарын мамлекеттик университетин англис тили жана адабияты адистиги боюнча аяктаган.
  • 16x9 Image

    Айгерим Акылбекова

    "Азаттык" радиосунун кабарчысы. 2014-2016-жылдары "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

Пикирлерди көрүңүз (4)

XS
SM
MD
LG