Зыяратка баратып Ташкентте калып калгандардын 54ү умрага кетип, калганы өлкөгө кайтат

Зыяратка баратып Ташкентте калып калган кыргызстандыктар.

Кыргызстан мусулмандарынын дин башкармалыгы (Муфтият) кичи умра сапарына баратып Өзбекстандын Ташкент шаарында калып калган кыргыз жарандарынын 54ү умрага кетип, калганы Кыргызстанга кайтарын билдирди.

Бул тууралуу муфтийдин орун басары Шакир ажы Маматов Ташкентте зыяратка бараткан кыргызстандыктар менен жолугушканда белгилүү болду.

“Нур Умра трэвел” туристтик компаниясы Кыргызстандын 100дөн ашык жаранын кичи умра сапарына жиберип, алар Ташкент шаарынын аэропортунан уча албай калышкан.

Бишкек шаардык ички иштер башкы башкармалыгынын маалыматы боюнча, ишкана зыяратчыларды умра тиркемесинен каттоодон өткөрбөй, Өзбекстан аркылуу сапарга чыгарган. Ушундан улам алар ара жолдо калган.

Октябрь райондук ички иштер башкармалыгы бул фактыга байланыштуу Кылмыш-жаза кодексинин “Алдамчылык” беренеси менен кылмыш ишин козгоп, “Нур Умра трэвел” туристтик компаниясынын жетекчиси Мирзат Кошоеваны кармаган. Ал камалганга чейин “Азаттыкка” комментарий берип, бардык кардарлар умрага жөнөтүлөрүн убада кылган. (BTo)


Дагы караңыз

Улуттук банк быйыл валюта базарына 2 млрд 500 млн доолар саттыМосквадагы “Сахарово” борборунда 200гө жакын кыргыз жараны кармалып туратЧүйдүн Кызыл-Ой айылында мектептин китепканасы жана спорт залы өрттөндүОшто аэропортто жүзүн толук жаап жүргөн аялга айып салындыПрезидент инисинин аты аралашкан окуя боюнча тараптарды кабыл алдыПрезидент Жапаров "Түндүктөн" талапкерлерге кол топтоого көмөктөшүүгө үндөдүАКШда тажик жараны "Ислам мамлекети" тобун каржылаганы үчүн күнөөлүү деп табылды