Өлкөнүн күч структураларынын жетекчилигинде ири кадрдык өзгөрүүлөр болуп, июнь окуясынан кийин ички иштер министрлигине келген Кубатбек Байболов башкы прокурорлукка дайындалды.
Кыргызстан эгемендүүлүгүнүн он тогуз жылдыгын белгиледи. БШК саясий партиялардын талапкерлерин каттоону баштап, алгачкы эки партиянын талапкерлеринин тизмесин каттады. Алдыңкы саясий партиялардын лидерлери Кремлге кылчактоодо.
Учурда Ош шаарында жүргөн вице-премьер-министр Өктөмхан Абдуллаева шаардагы бардык мектептер эшигин ачканын, коопсуздук, балдарды ташуу маселелери чечилгенин "Азаттыктын" таңкы түз обосунда билдирди.
“Демократия жана атуулдук коом үчүн” коалициясы өлкөдөгү бардык шайлоолорго байкоочуларды коюп келет. Бул ирет коалиция кандай иштерди жүргүзөт жана жакындап келаткан шайлоо өнөктүгүнө кандай баа берет? Бул суроолорго коалициянын жетекчиси Динара Ошурахунова жооп берет.
Кыргызстанда парламенттик шайлоо учурунда, андан кийин да жаңжал, ал эмес жарандык согуш чыгуу мүмкүнчүлүгү айтылууда. Бул маселе канчалык негиздүү? Саясат таануучу Марат Казакбаев “Азаттыктын” суроолоруна жооп берди.
10-октябрга белгиленген парламенттик шайлоого катышууну көздөгөн партиялар үчүн БШКга талапкерлеринин тизмесин тапшыруу мөөнөтү 30-августта аяктады. Бул маселеге байланыштуу "Азаттыктын" суроолоруна БШК мүчөсү Жаркын Бапанова жооп берди.
10-октябрга белгиленген парламенттик шайлоо, ага даярдыктар тууралуу Борбордук шайлоо комиссиясынын төрагасы Акылбек Сариев “Азаттыктын” суроолоруна жооп берди.
Өлкөдөгү саясий-экономикалык кырдаал тууралуу Коммунисттик партиянын лидерлеринин бири, Жогорку Кеңештин мурунку депутаты Исхак Масалиев “Азаттыктын” суроолоруна жооп берди.
Cаясий партиялардын талапкерлерди көрсөтүү мөөнөтү соңуна чыкты. Өкмөттө апрель, июнь окуяларынын иликтениши каралды. Бюджеттин таңсыктыгы коркунучтуу деңгээлге жетти.
27-августта президент Роза Отунбаева өлкөнүн күч жана тартип коргоо органдарынын жетекчилери менен жыйын өткөрдү. Анда быйылкы апрель, июнь окуяларын иликтөө, парламенттик шайлоону таза жана адилет өткөрүү маселеси талкууланды.
26-августта “Азаттыктын” тегерек үстөл талкуусунда Кыргызстандагы парламенттик шайлоо, аны административдик ресурсту пайдаланбай өткөрүү жана парламенттик башкаруу системасы тууралуу сөз болду.
Парламенттик шайлоого катышууну көздөгөн саясий партиялар 26-августка чейин тизмелерин бекитүүгө тийиш. Азыркы мезгилге карай эки партия талапкерлеринин тизмесин БШКга тапшырды. Алдыдагы шайлоого катышуу ниетин 57 партия билдирген эле. Азырынча БШКга партиялык тизмесин "Ата Журт” жана “Ата Мекен” партиялары тапшырды
5-августта Бишкекте митинг өтүп, расмий бийликтин билдирүүсү боюнча дагы бир жолу бийликти басып алуу аракети жасалды. Митингди анын уюштуруучусу Урмат Барктабасовду камакка алуу менен аяктады. “Азаттыктын” тегерек үстөл талкуусу акыркы мезгилде Кыргызстанда өнөкөткө айланып бараткан бийликти басып алуу көрүнүшүнө арналды.
5-августтагы митингдер Кыргызстан калкын дагы бир жолу сестендирди. Бул митингдердин уюштуруучусу “Мекен туу” партиясынын лидери Урмат Барктабасов экени айтылды. Бир жагынан шылуун, экинчи жагынан мекенчил аталган бул адам Кыргызстандын саясий аренасында качан пайда болгон?
"Азаттыктын" түз ободогу талкуусунда бул жолу Кыргызстандын түштүгүнө Европадагы коопсуздук жана кызматташтык уюмунун эл аралык полиция күчтөрүн ортомчу катары киргизүү сунуштары боюнча маселе талкууланды.
Бүгүн президент Роза Отунбаева жаңы өкмөттүн курамын бекитти. Бул өкмөт парламенттик шайлоодон кийин жаңы өкмөт куралганга чейин иштемекчи. Өкмөттүн маалымат кызматынын жетекчиси Фарид Ниязовдун "Азаттыкка" бүгүн маалымдоосуна караганда, президент Роза Отунбаева өкмөттүн жаңы курамын тааныштырды.
Президент Роза Отунбаева өкмөттүн структурасы жана президенттин администрациясы жөнүндө жардыктарга кол койду. Ага ылайык өкмөттүн структурасы аныкталды жана президенттин администрациясы өкмөттүн аппаратынын базасында түзүлдү.
Референдумдун жыйынтыгы жарыяланды. Ага ылайык Кыргызстанда жаңы Конституция кабыл алынып, Роза Отунбаева 2011-жылдын аягына чейин өлкөнүн президенти деп аталды. Роза Отунбаева антын берип, президенттик кызматка расмий киришти. Качкындар иштери боюнча БУУнун өкүлү Кыргызстанга келди.
27-июнда Кыргызстанда референдум өттү. Борбордук шайлоо комиссиясынын маалымдоосуна караганда, добуш берүү үчүн тизмеге киргизилгендердин 69% ашууну референдумга катышты. Референдумга жаңы Конституцияны кабыл алуу жана Роза Отунбаевага 2012-жылга чейин президенттик ыйгарым укуктарды берүү суроосу коюлду.
Убактылуу өкмөттүн түштүк регион боюнча өкүлү, коргоо министринин милдетин аткаруучу Исмаил Исаков түштүк региондогу абал, референдумга даярдык, жаңжалдын чыгышы, аны иликтөөгө байланыштуу суроолорго жооп берди.
Дагы жүктөңүз
