"Азаттыктын" Баткен облусундагы кабарчысы. Ош мамлекеттик университетин аяктаган.
Эки өлкө чек арасын тактоо боюнча өкмөттөр аралык комиссия Баткенде эки күн мурда узак тыныгуудан кийинки отурумуна чогулду.
Өзбекстан быйыл жыл башында жарандыгы жок башка өлкө атуулдарын өз аймагынан чыгаруу иштерин баштаган. Мындай тагдырга Өзбекстанга турмушка чыгып, очор-бачар болуп калган кыргызстандык аялдар да туш болду.
Тажикстандын Исфара районунун тургундары кыргыз аскерлери “Чоркух” дыйкан чарбасына караштуу өрүк бакты ойрон кылышканын кабарлашты.
Жаз алды менен Баткенде кошуна өлкөлөрдүн малдарын жайытка чыгаруу көйгөйү көтөрүлө баштады. Өкмөттөр аралык келишимдин жоктугу пикир келишпестиктерди жаратып келет. Аймакта өткөн жылдагыдай чоң тирешүүлөрдү алдын алуу үчүн жергиликтүү тургундар “Жайыт тууралуу” мыйзамга өзгөртүүлөрдү киргизүү зарыл болгонун белгилешет.
Кыргызстандын борборунан эң алыс жайгашкан Баткен облусунда энелер менен жаш балдардын өлүмү өзгөчө көп катталды.
Баткен облусунун губернатору Султанбай Айжигитов өзүнө карата козголгон кылмыш иши тууралуу “Азаттыктын” суроолоруна жооп берди.
Жыл башынан бери четте иштеген баткендиктердин 27си ар түрдүү себептерден улам өмүрүнөн ажыраган.
Кыргызстанда кылымдык өмүр сүргөн адамдар чанда гана кездешет. Алардын бири – Баткендин тургуну 102 жаштагы Санам Аширова.
Баткендин айылдарында согулган көз жоосун алган кооз килемдердин асты Америка, арты Европага чейин кеткен учурлар бар.
Тажикстан атайын операция жүргүзүп жаткан аймагына жакын турган Кыргызстандын айылындагы 15 үй-бүлө коопсуз жайга жайгаштырылды.
Элдин турмушу начар делген Баткен облусунда бир жылда эле үйлөнүү тойлоруна кеткен чыгым 1,5 млрд. сомду чапчыган.
“Бүтүн Кыргызстан” партиясынын төрагасы А.Мадумаров Баткен облусундагы шайлоочулары менен жолугушуп, шайлоонун жыйынтыктарын сынга алды.
Баткендин Өзбекстан менен чектешкен Кайтпас айылынын бир туругуну чек арада атылган октон жараат алды. Жергиликтүү бийлик өкүлдөрү учурда бул окуя териштирилип, өзбек чек арачылары эмне үчүн башка өлкөнүн аймагына ок атышканы такталып жатканын айтууда.
Ушул жумада кыргыз-өзбек чек ара кызматтарынын башчылары Баткенде жолугушуп, тараптар бирден чек ара бекеттерин ачмай болушкан. Бирок айрым жергиликтүү тургундар сүйлөшүүдө маселе өзбек тараптын пайдасына чечилгенин айтышууда.
Тажикстандын Рашт өрөөнүндө өкмөттүк аскерлер менен козголоңчулардын ортосунда ок атышуу болуп, 23 жоокер каза болду. Бул окуяга байланыштуу Кыргызстандын Чек ара кызматы тарабынан Тажикстан менен көпчүлүк аймагы чектешип турган Баткен облусунда чек ара бекеттери жабылды, аймакка кошумча күчтөр тартылды деп айтылды эле. Абалды билүү үчүн аймактагы кабарчыбыз кыргыз-тажик чек арасында болуп кайтты.
Баткендеги чек ара аскер бөлүгүндө кызмат өтөгөн катардагы жоокер Бакытбек Жураев өткөн жумада ур-токмоктон каза тапты. Жаш жоокерди келишимдик негизде кызмат өтөгөн жашы улуу Урмат катуу уруп, натыйжасы кайгылуу бүткөн. Мындай окуянын болушу эл ичинде армиянын беделин сындырып, жаштардын аскердик кызмат кылуу демин суутуп жатат.
Өзбекстан кармап кеткен кыргыз чек арачылары алмашуу жолу менен бошотулду. Алар Кыргызстандын аймагында жасаган мыйзамсыз аракеттери үчүн кармалып турган Өзбекстандын коопсуздук кызматынын өкүлү менен үч бажы кызматкерине алмаштырылды.
Кыргызстанда соңку айларда күйүүчү жана майлоочу майга баалар бир топко көтөрүлдү. Бул айдоочуларды бир топ түйшөлтүп, капчыкка таасирин тийгизип жатканын айтышууда. Оруп-жыюу маалында бул дыйкандардын да чоң маселесине айланды.
31-август күнү кечке маал Кадамжай районунун аймагында кыргыз-өзбек чек арасындагы бейтарап аймакка сүйлөшүү үчүн барган Кыргызстандын эки чек ара кызматкерин өзбекстандык чек арачылар кармап кетишкен болчу. Бул окуя боюнча улуттук коопсуздук кызматындагы чек ара кызматынын төрагасы Закир Тиленов Баткенде болуп, жергиликтүү күч кызматтары менен жабык эшик артында жыйын курду. Жыйын соңунда аймактан кабарчыбыздын ушул окуя боюнча суроолоруна жооп берди.
Кыргыз-өзбек чек арасындагы бейтарап аймактан Өзбекстандын аскерлери кармап кеткен Кыргызстандын Чек ара кызматынын эки өкүлүн кайтаруу аракеттеринен азырынча майнап чыга элек. Алар 31-августтун кечинде алдын-ала макулдашууга ылайык, өзбек тарап менен сүйлөшүүгө барган учурда кармалган.
Дагы жүктөңүз
