"Азаттыктын" кабарчысы. 2009-жылы Нарын мамлекеттик университетин аяктаган.
Тажикстандын түштүгүндө имамдар Лениндин эстелигин калыбына келтиришти.
Казакстанда сот бир кишини химиялык кастрация кылууга уруксат берди. Казакстан химиялык бычууну жыл башында мыйзамдаштырып, бюджеттен 2000 инъекцияга жете турган акча бөлгөн.
Казакстандын мектептеринде жоолук маселеси кайра көтөрүлдү. Түркстан облусунун Фирдауси айылындагы орто мектепке жоолук салынып келген окуучулар сабакка киргизилген жок.
Тажикстандын Дин иштери боюнча комитети Пенжикент шаарындагы мечиттердин биринин имамын мамлекеттик гимнди жатка билбегени үчүн кызматтан кетирди. Буга окшоп аттестациядан кийин иштен бошотулган имамдар динге гимн же кайсы бир мамлекеттин символунун тиешеси жок экенин айтышууда. Тажикстандагы төрт миңге жакын имам мамлекеттик бюджеттен ар бири 100 долларга жакын айлык алат.
Ушул аптанын башында Өзбекстандагы бардык улуттук телерадиокомпаниялардын редакторлоруна Өзбекстанды 27 жыл бою башкарган маркум президент Ислам Каримовдун атын эскерүүгө тыюу салынды. Буга чейин анын сүрөтү түшүрүлгөн сувенирлерди саткандарга тымызын тыюу салынган эле.
Абактан чыккан тажикстандык белгилүү журналист Хайрулло Мирсаидов өзүн толук акташ үчүн жогорку инстанцияга доо арыз менен кайрыларын билдирди. 22-августта Согди облусунун соту коррупцияга байланыштуу айыпталган журналистти 12 жылдык түрмөгө кескен өкүмдү жокко чыгарып, анын ордуна журналистти коомдук ишке тартууну жана ага 8,5 миң доллар өлчөмүндөгү айыппул салууну чечкен. Натыйжада Мирсаидов сот залынан бошотулган.
Тажикстан өз аймагы аркылуу Кытайга газ ташыган куур тартыш үчүн 9,5 миң гектар жерин 49 жылга ижарага берди. Бул жер тилкесине Түркмөнстан-Кытай эл аралык газ кууру салынат. Долбоор келечекте Тажикстандын экономикасына жыл сайын миллиондогон доллар пайда алып келет.
Тажик бийлиги 29-июлдагы чет элдик туристтерге кол салууга шектүү беш кишини камакка алып, окуяга тиешеси бар адамдарды издөөнү кеңейтти. Теракттын уюштуруучусу катары шек саналган жигиттин энеси баласы башкалардын азгырыгына кабылганын айтып жатат. Анын айтымында, уулу издөөдө жүргөн кылмышкерлердин сөзүнө кирип, адам өмүрүн алган кылмышка барган.
Тажикстандагы Дин иштери боюнча комитет саналуу күндөн кийин боло турган Курман айт майрамында чоң дасторкон жайгандарга айыппул салынарын элге эскертти. Бул мусулмандардын эң чоң майрамдарынын бири.
Тажикстандын Хатлон облусунун Бохтар шаардык соту 73 жаштагы байбичени сегиз жылга эркинен ажыратты. Чачын бубак баска аялга "мыйзамсыз баңгизат ташыган" деген айып тагылды.
Тажикстанда жекшембидеги тик учак кырсыгынан беш киши каза тапканы белгилүү болду.
"Өзбекстанга кириш үчүн туристтик виза ачуу оңой болуп калды" деген кабарды эшиткен мурунку өзбек жарандарынын өз мекенине келүү тууралуу тилеги орундалган жок. Алардын көпчүлүгү - маркум президент Ислам Каримовдун убагында жарандыгынан ажыраган укук коргоочулар, саясатчылар, журналисттер жана алардын жакын туугандары. Убагында башка мамлекеттин жарандыгын алууга мажбур болгондор көп жылдан бери өз өлкөсүнөн алыста жашап жүрүшөт.
Казакстандын Актөбө облусундагы орто мектептин айрым окуучулары бирдиктүү формадан баш тарткандыгы үчүн кийинки класска көчпөй калды. Ушундай төрт окуучунун ата-энесине болсо мектеп жетекчилиги административдик айыппул салды.
Жума намаз убагында өзбекстандык имамдар мечитке чогулгандарга өз жанын кыюу исламда кечирилгис чоң күнөөлөрдүн бири экенин түшүндүрүп жатышат.
2018-жылкы Дүйнөлүк футбол чемпионатында Нижний Новгороддогу стадионду курган жумушчулар 50 млн рубль акчаларын ала албай калгандарын айтып жатышат.
"Өзбекстандын Ички иштер министрлигиндеги Коомдук тартип жана кайгуул-күзөт кызматынын башчысы Дилшод Акрамовду өлтүргөн" деп шек саналып жаткан киши өз жанын кыйды. Бул тууралуу «Азаттыкка» Ички иштер министрлигинин атын атагысы келбеген жогорку даражадагы кызматкери жана Акрамовдун туугандарынын бири билдирди. Аталган кызматтын башчысы Дилшод Акрамов өзүнүн иш бөлмөсүндө ушул жылдын 4-августунда киши колдуу болгон.
Радикал динчилдин жетегиндеги төрт тажик жигиттин чет элдик туристтердин өмүрүн алган кандуу чабуулу тажик коомчулугун ойго салды.
Өзүнө карата чыккан чечимге Данияр Арпачиев "негизи жок" деп баа берди.
31-июлда соттор Кубанычбек Кулматовдун, Осмонбек Артыкбаевдин жана Сапар Исаковдун бөгөт чарасын карап, камакта калтырды.
31-июлда Бишкектин Биринчи май райондук соту мурдагы премьер-министр Сапар Исаковду 5-октябрга чейин камакта калтырды. Бишкек Жылуулук электр борборун (ЖЭБ) жаңылоого байланыштуу кылмыш ишинин алкагында айып коюлган мурдагы премьер-министр Сапар Исаков 5-июнда камакка алынган.
Дагы жүктөңүз
