Ырысбай Абдыраимов

Декабрь 28, 2007

ЖАЛАЛАБАТ: ШАЙЛООКОМДОР ДОБУШТАРДЫ КАЙРА ЭСЕПТӨӨГӨ КАРШЫ

«Ата Мекен» партиясынын облустагы өкүлдөрү шайлоого нааразы болушуп, добуштарды кайра эсептөө талабы менен бир нече райондук-шаардык комиссияларга кайрылышкан. Бирок, шайлоокомдор участкалык шайлоо комиссияларын ачууга негиз жок деген жооптору менен партиянын талаптарын аткаруудан баш тартууда. “Атамекенчилер” эми облустук шайлоо комиссиясына арызданганы турушат.

Декабрь 26, 2007

ЖАЛАЛАБАТ: ТЕКЕБАЕВДИН ИНИСИ МИЛИЦИЯДА СУРАК БЕРҮҮДӨ

25-декабрда “Сентябрь” телеканалынын Түштүк аймагындагы деректири Асылбек Текебаев Сузак райондук ички иштер бөлүмүнө чакыртылды. Ага кылмыш кодексинин 234 беренесине ылайык бейбаштык кылды деген айып тагылууда. Мындай айыпка анын өзү менен окуянын күбөлөрү макул эмес.

Декабрь 25, 2007

«АК ЖОЛ» БИЙЛЕГЕН ПАРЛАМЕНТ ЭЛ ҮМҮТҮН АКТАЙБЫ?

Жалалабатта коомчулуктун айрым бөлүгү «Ак жол» партиясынын өкүлдөрү үстөмдүк кылган жаңы парламенттин ишмердиги натыйжалуу болорунан күмөн саноодо. Андагы пикирлерге караганда, бийлик каалаган мыйзамдарын көпчүлүктү түзгөн партиянын күчү менен парламентте өткөрүп ала бермекчи. Бирок оппозициядагы таанымал саясатчылар жок болгондуктан парламентти чет өлкөлүктөр тааныбай коюусу да ыктымал.

Декабрь 25, 2007

ЖАЛАЛАБАТТА «АТА МЕКЕНЧИЛЕР» КАРШЫЛЫК АКЦИЯЛАРЫНА КАМЫНУУДА

Облустун шайлоочулары Борборшайлоокомго кайрылып,16-декабрдагы шайлоону мыйзамсыз деп табууну талап кылышты. Алар «Ак жол» партиясы үчүн жан тартууулар күчтүү болгондугун жана административдик ыкмалар колдонулгандыгын белгилешүүдө. Талаптары аткарылбаса, район-облустук бийликтердин алдында саясий акцияларды өткөрүүнү жана жолдорду тосууну болжошууда. Бул тууралу «Ата Мекен» партиясынын өкүлү Кубатбек Артыков билдирди. “Ак жол” партиясынын облустагы төрагасы болсо партияга негизсиз асылуулар болуп жаткандыгын маалым кылды.

Декабрь 21, 2007

ЖАЛАЛАБАТ: ШАЙЛООНУН ТАГДЫРЫН АДМИНИСТРАТИВДИК ЫКМАЛАР ЧЕЧТИ

“Ата Мекен” жана “Социал-демократиялык” партиялардын Жалалабат облусундагы өкүлдөрү парламенттик шайлоодо административдик ыкмалар колдонулгандыгын белгилеп жатышат. Алардын айтымында «Ак жол» партиясынын пайдасы үчүн казыналык кызматкерлер иштетитилип, жергиликтүү бийлик аралашты. Байкоочулардын укуктары бузулду. Бирок, мындай айыптоолорду «Ак жол» партиясынын облустук бөлүмү менен облбийликтин жооптуу кызматкерлери четке кагышты.

Декабрь 18, 2007

ЖАЛАЛАБАТТА «АТА МЕКЕН» ДОБУШТАРДЫ КАЙРА САНООНУ ТАЛАП КЫЛУУДА

18-декабрда «Ата Мекен» партиясынын Жалалабат облусунун бир нече райондорунан келишкен 60тан ашык мүчөсү облустук шайлоо комиссиясынын алдында нааразылык акциясын өткөрүштү. Алар парламенттик шайлоонун мыйзам бузуулар менен өткөнүн белгилешип, облустагы бир нече райондордогу шайлоо бекеттерин ачып, добуштарды кайра саноону өткөрүүнү талап кылышты. Облустук шайлоо комиссиясы алардын арыз-даттанууларын мыйзам бузуулар болду деп эептелген район-шаардык комиссиялардын кароосуна жөнөтө турган болду. “Ак жол” партиясынын маалымат катчысы шайлоо таза өткөндүгүн билдирди.

Декабрь 16, 2007

ЖАЛАЛАБАТТА БИР ПАРТИЯ АКЧА ТАРАТКАНЫН ТАСМАГА ТАРТЫП АЛЫШТЫ

Жалалабат облусундагы парламенттик шайлоо да мыйзам бузуулар менен коштолду. Шайлоо участкаларында мыйзамбузууларды каттаган байкоочуларды чыгарып жиберип, иштегенге мүмкүндүк берилген жок. Сузак районундагы Бекабат деген айылда «Ак жол» партиясы үчүн үгүт жүргүзүлдү. Бирок партиянын облустагы төрагасы бул маалыматты четке какты.

Декабрь 13, 2007

“АТА МЕКЕНДИН” ҮГҮТ УНААЛАРЫН ЭМНЕ ҮЧҮН КАРМАШТЫ?

13-декабрь түнкү саат экилерде “Ата Мекен” партиясынын үгүт материалдары жүктөлгөн автоунааны Токтогул райондук ички иштер кызматкерлери кармап, камап коюшкан. Раймилициянын короосуна түндө киргизилген автомашина эртең менен он жарымда гана коё берилген. Бул окуяны партиянын өкүлдөрү үгүт иштерин үзгүлтүккө учуратууга жасалган аракет катары баалап жатышат. Ошол эле маалда облустун бир нече райондорунда үгүт иштерине тоскоолдуктар жасалууда.

Декабрь 11, 2007

ЖАЛАЛАБАТТА АДАМ УКУГУН КОРГОО ЖААТЫНДА АБАЛ ЖАРЫТПАЙТ

10-декабрь-Бүткүл дүйнөлүк адам укугун коргоо күнүнө байланыштуу Жалалабат облусундагы “Справедливость” уюму маалымат жыйынын өткөрүштү. Анда облуста адам укугу толук сакталбай жаткандыгы жана адам укугун коргочулардын өздөрүнүн да укугу корголбой жаткандыгы тууралу сөз болду. Анда келтирилген маалыматтарга ылайык, быйыл жайында Базаркоргон районунда абакка түшкөн эки адамды уруп сокту делген милиционерлерге кылмыш иши козголо элек.Облустук прокуратура алардын айыбы аныкталбагандыктан кылмыш ишин козгоодон баш тартканын билдирди. Кыйноолор август айында Жалалабаттагы убактылуу кармоо жайында да болгон. Бирок, шаар милициясы аны жокко чыгарды.

Декабрь 10, 2007

“АК ЖОЛ” ҮЧҮН АТКА МИНЕРЛЕР ЖАПЫРТ ЧУРКАП АТЫШАТ

Жалалабат областында “Ак жол” партиясынын пайдасы үчүн административдик ыкмалар арбын колдонулуп жаткандыгы тууралуу сын пикирлер арбын болууда. Казыналык мекеме-уюмдардын кызматкерлери “Ак жол” партиясына мажбурлап өткөрүлүп жатканы да айтылууда. Облустук бийлик өкүлдөрү өз кезегинде мындай сын-доматтарды негизсиз деп четке кагышууда.

Декабрь 08, 2007

ЖАЛАЛАБАТТА СЕНТЯБРЬ СЫНАЛГЫСЫН ООЗДУКТОО БАШТАЛДЫ

Шайлоо жакындаган сайын маалыматтын баалуулугу өсүүдө. «Сентябрь» телеканалы Жалалабат жана Ош облустарынын аймагында эркин маалымат таратып жаткан бирден бир компания. Телеканалдын мунарасы “Кара алма” токой чарбасынын аймагында жайгашкан. Жакында Экономикалык иштер боюнча Жалалабат райондор аралык соту телеканалдын ал жерди пайдалануу мөөнөтү бүттү деген аныктамасын чыгарган. Телеканалдын жетекчилиги жана анын жактоочулары токтом бир айдан кийин гана күчүнө кириши керек деп каналды жабууну токтотуп калышты. Ал аймакта электр жарыгы өчүрүлгөндүктөн телеканал ушу тапта автономдук жабдуу менен калкка маалымат таркатууда.

Декабрь 06, 2007

“АТА МЕКЕНДИН” ҮГҮТЧҮЛӨРҮН МИЛИЦИЯГА КАРМАП, АКЧА АЛЫП КОЕ БЕРҮҮДӨ

5-декабрда “Ата Мекен” партиясынын Жалалабат шаарында үгүт жүргүзгөн жеңил унаасы милиция тарабынан кармалган. Облустук ички иштер башкармасынын короосуна кийирилген унааны тартып жаткан “Сентябрь” телеканалынын оператору да кармалып, партия өкүлдөрүнүн кийлигишүүсү менен кийин коё берилген. Ички иштер башкармасы оператордун кайтарууда турган обьектти уруксатсыз тартып жатканын, бирок, оператордун дискети да кайтарылганын билдирди. Партиянын автоунаалары Базаркоргон району менен Майлуусуу шаарында да кармалып, айып пулу төлөнгөн соң бошотулган. Социал-демократиялык партиянын үгүт иштерине да тоскоолдуктар жасалууда. 4-декабрда партиянын Базаркоргон районундагы координатору белгисиз адамдар тарабынан сабалган.

Декабрь 04, 2007

ЖАЛАЛАБАТ: «АТА МЕКЕНДИН» КӨРНӨКТӨРҮ ТЫТЫЛЫП, КОММУНИСТТЕРДИН ШТАБЫНА КОЛ САЛЫШТЫ

Облуста «Ата Мекен» партиясынын көрнөк-жарнактары тытылып, үгүт өнөктүгүнө тоскоолдуктар жасалууда. Жалалабат шаарында штаб ачууга макул болгондор партиянын туусу менен көрнөк-жарнактарын илүүгө макулдук беришпеген. Атамекенчилер бул окуяларга бийликтин тиешеси бар деп эсептешет. 2-декабрда белгисиз адамдар комммунисттик партиянын Алабука райондук шайлоо штабындагыларды коркутушуп, райондон чыгып кетүүнү талап кылышкан. Антпесе, штаб талкалана тургандыгын эскертишкен. Облбийликтин өкүлдөрү чырлуу окуялар партиялар арасындагы атаандаштыктан улам жаралып жаткандыгын белгилешип, Алабукадагы окуя боюнча компартияга күч уюмдарына кайрылууну сунуш кылды.

Декабрь 02, 2007

БИЙЛИКТИ СЫНДАГАН АЯЛ КУУГУНТУКТАН КАЧЫП ЖАШЫРЫНЫП ЖҮРӨТ

Бийликти сындап келаткан Жалалабат шаарынын тургуну Урунса Турдиева 17-ноябрдан бери кайрадан изин жашырып жүрүүгө аргасыз болууда. Ал муну артынан түшкөн куугунтук жана оппозициядагы адамдарды колдогондугу менен байланыштырып, өзүн камоо үчүн бийликтен жана күч уюмдарынан буйрук болгон деп күмөн санайт. Турдиева оппозициянын апрель митинги башталаар алдында да облустагы психоневрологиялык ооруканага күч менен жаткырылган. Бирок облустук бийлик анын качып жүргөндүгүн саясат менен байланыштырбайт. Ал эми шаардык прокуратура менен милиция аны кармоо тууралуу эч кимден буйрук же арыз түшпөгөндүгүн билдиришти.

Ноябрь 30, 2007

ЖАЛАЛАБАТ: СДПКнын ЖЕЛЕГИН КИМДЕР ӨРТТӨГӨН?...

Облус аймагында Социал-демократиялык партиянын шайлоо өнөктүгүнө тоскоолдуктар жасалууда. 28-ноябрда партия Базаркоргон районунда СДПК шайлочулар менен жолугушуу өткөрүү үчүн мурда макулдашылганына карабай, имарат “Ак жол” партиясына берилип калган. Райондун Кеңеш айылындагы шайлоо штабынын көрнөк-жарнактары менен желеги тытылып, анан өрттөлгөн. Партиянын райондогу координатору туунун өрттөлүшүн “Ак жол” партиясынан көрүүдө. Бирок, “Ак жол” партиясынын облустук бөлүмү мындай айыптоону четке какты.

Ноябрь 28, 2007

ЖЕР-ЖЕРЛЕРДЕ “АК ЖОЛДУ” АЛГА ТҮРТҮП АТЫШАБЫ?

Жалалабад облусунда “Акжол” партиясына кирүүгө казыналык мекеме-уюмдардын кызматкерлерин мажбурлашууда. Административдик ресурстар иштетилип, аталган партиянын санын көбөйтүүгө жарандарды тымызын каттоо болууда. Жер-жерлердеги айыл өкмөттөр жарандарды аталган партияга кошулууга жана шайлоодо “Акжол” үчүн добуш берүүгө үгүттөшүүдө. “Социал-демократиялык” жана ”Асаба” партиясынын облустагы өкүлдөрү жана карапайым жарандардын мындай пикирлери менен “Акжолдун” облустагы жетекчилиги жана облустук бийлик макул эмес.

Ноябрь 27, 2007

КӨЙГӨЙЛӨР ЖААТТАШКАНДАР БИРИКСЕ ЭЛЕ ЧЕЧИЛЕБИ?

Кыргызстанда чегара, тышкы, ички миграция, жаратылыш кен байлыктарын иштетүү, чегара аймактарындагы калк турмушунун абалы оор бойдон кала берүүдө. “Социал-демократиялык” партиянын орунбасары Жусупжан Жээнбеков Жалалабаттагы калк менен жолугушууда мына ушундай көйгөйлүү маселелерди козгоп чыкты. Бирок жогоруда аталган проблемаларды бир партиянын алкагында эмес, оппозиция, бийлик жана өкмөт биригип, чогуу аракеттенгенде гана чечсе болот деген ой-пикирдеги адамдар да болду.

Ноябрь 23, 2007

ЭКС-ГУБЕРНАТОР ЭМНЕГЕ САБАЛДЫ?

22-ноябрь түн ичинде Бишкектен келаткан чукул кырдаалдар министринин орунбасары Жусупжан Жээнбековду Жалалабат облусунун Каракөл шаарында белгисиз жигиттер сабап кетишкен. Социал-демократиялык партиянын 2-тизмесинде турган депутаттыкка талапкер, аталган инцидентти саясий ишмердүүлүгү менен байланыштырды. ”Мекен биримдиги” партиясынын лидери болгон Жээнбековдун тарапкерлери аталган окуя боюнча тартип сакчылары эч кандай иш жүргүзбөгөнүн айтышса, облустук ички иштер башкармалыгынын маалымат кызматы Каракөлдө жогорудагы кылмышка шектүү катары төрт адам кармалганын билдирди.

Ноябрь 22, 2007

БАЕКОВА КЫЗМАТЫНАН КАЧАН КЕТЕТ?

21-ноябрда Жалалабат облусундагы шайлоо-референдумду өткөрүү боюнча комиссиясы шайлоо даярдыгы ага байланыштуу маселелер боюнча маалымат жыйынын уюштурду. Жыйынга катышкан журналисттер менен саясий жана коомдук уюмдардын өкүлдөрү саясий партияларга коюлган шайлоочулардын жарым пайыздык добушун алуу талабы, шайлоочулардын тизмеси менен алардын добуш берүүсүн уюштуруу, ”Акжол” партиясынан талапкер болгон Конституциялык соттун төрайымы Чолпон Баекованын кызматтан кетүү-кетпөө тартиби тууралуу маселелерге кызыгышты.

Ноябрь 14, 2007

ШАЙЛООНУН ТАЗА ӨТӨРҮНӨ ОППОЗИЦИЯ ИШЕНБЕЙ ЖАТАТ

Оппозициядагы саясатчылар шайлоонун таза өтөөрүнө ишенбей жатышат. Мындай шек саноо айрыкча «Ата мекен» партиясынын катарында абдан күчтүү сезилдүүдө. Ал эми “Ак жол” партиясынын өкүлдөрүнүн ишениминде шайлоодо административдик ресурсту колдонууга байкоочулар жол бербейт.