“Учур” жаштар театры драматург Султан Раевдин “Меккеге карай узак жол” пьесасы менен Алматыда, Каирде өтчү Эл аралык фестивалдарга жана Караколдо боло турган республикалык сынакка катышат.
“Азаттыктын” апталык “Талант тагдыры” музыкалык түрмөгүндө кыргыз калкына “Ниязаалы Жөргөлөк” деген ат менен кеңири белгилүү болгон, комузда кол ойнотуп, араларына сөз, ыр кошуп, кооздоп черткен айтым күүлөрдүн негиз салуучусу, Токтогулдай, Коргоолдой залкар комузчулардын “атасы” аталган, алардын улуу насаатчысы Ниязаалы Борош уулунун чыгармачылыгынан кеңири сөз болот.
Кыргыз мамлекеттик патент кызматы кыргыз жазуучулары, сүрөтчүлөрү, композиторлору жана ойлоп табуучулары тууралуу маалымат басылмасын чыгарып жатат.
Белгилүү советтик диссидент, көрүнүктүү орус жазуучусу, советтик эмгек лагерлердин бардык азабын жон териси менен тарткан Александр Солженицындын сөөгү кечээ (6-августта) Москвада жерге берилди. Жазуучуну акыркы сапарга узатуу жөрөлгөсүнө жүздөгөн адамдар, алардын ичинде маданий жана саясий ишмерлер катышты. Александр Солженицындын кийинки муундарга калтырган мурасы тууралуу пост-советтик мейкиндикте ар кыл пикирлер, анын ичинде сын көз караштар да арбын айтылууда.
Бүгүн Москвада орустун улуу жазуучусу Александр Солженицынды акыркы сапарга узатуу зыйнаты өтөт. Кыргызстандыктар да Александр Солженицындын дүйнөлүк улуу жазуучу, улуу ойчул экендигин моюнга алуу менен, анын саясий көз караштарында карама-каршылыктуу нерселер болгондугун белгилешүүдө.
Маектешкен Бурул Сарыгулова, Бишкек Бүгүн Орусиянын алп жазуучусу, Нобель сыйлыгынын ээси Александр Солженицындын сөөгүн жерге берүү тажиясы өткөрүлөт. “Азаттыктын” таңкы түз маегинде белгилүү драматург, адабий жана коомдук ишмер Мар Байжиев Солжиницын өмүр-чыгармачылыгы, адабияттагы орду тууралуу кеп курган.
Бүгүн орусиялыктар жана дүйнө коомчулугу көрүнүктүү орус жазуучусу Александр Солженицынды түбөлүк жайына узатууда. Маркумдун сөөгү Маскөөдөгү Донской монастырынын көрүстөнүнө коюлмакчы. Кечээ (шейшембиде) жүздөгөн орусиялыктар көрүнүктүү жазуучу жана совет доорундагы чыгаан диссидент менен коштошуу үчүн Орусиянын Илимдер академиясынын имаратына келишти. Кыргызстандыктар да көрүнүктүү жазуучуну кайгыруу менен эскерип, анын көз карашынын оош-кыйыш жактарын талкууга алууда.
3-августта орус жазуучусу, дүйнөлүк Нобель сыйлыгынын ээси Александр Солженицын дүйнөдөн өттү. Алп жазуучунун чыгармачылыгынын башкы өзгөчөлүгү – советтик тоталитардык түзүлүштүн көлөкө жактарын жалпы коомчулукка бурмалабай алып чыккандыгында болгон.
Аида Касымалиева, Бишкек Нобель сыйлыгынын ээси, Орусиянын адабий алпы, сталиндик лагерлердеги ырайымсыздыкты ачык сүрөттөп жазам деп диссидентке айланган Александр Солженицын 89 жашында дүйнөдөн кайтты.
Кезектеги “Талант тагдыры” аттуу музыкалык түрмөктө СССРдин, Кыргыз Республикасынын эл артисти, опера ырчысы Хусейин Мухтаровдун туулган күнүнүн 70 жылдыгына, өтөгөн өмүрүнө, баскан чыгармачылык жолуна, жаркын элесине арналат.
Дагы жүктөңүз