Кезектеги “Талант тагдыры” аттуу музыкалык түрмөктө СССРдин, Кыргыз Республикасынын эл артисти, опера ырчысы Хусейин Мухтаровдун туулган күнүнүн 70 жылдыгына, өтөгөн өмүрүнө, баскан чыгармачылык жолуна, жаркын элесине арналат.
1-августта Таластын Шекер айлында жазуучу Чыңгыз Айтматовдун дүйнөдөн өткөндүгүнүн 52 күндүгү белгиленет. Шекерде “Айтматов менен коштошуу” кинотасмасы көрсөтүлүп, чыгармалары көркөм окулуп, төкмө акындар ырдашат.
Маектешкен Аманбек Жапаров, Бишкек Белгилүү композитор Сталбек Бактыгулов Чыңгыз Айтматовдун “Кыямат” романы боюнча маркум режиссер Алмаз Сарлыкбековдун спектаклине жазган пролог, эпилогу менен 4 бөлүмдүү чыгармасы 1990-жылдары Санкт-Петербургдан радиодон уктурулуп, орус музыка изилдөөчүлөрү тарабынан абдан мыкты чыгарма катары бааланган. Композитордун андан кийинки аралыкта жазган симфониялык чыгармалары тууралуу “Азаттыктын” кабарчысы анын өзүнө суроо салган.
Маектешкен Аманбек Жапаров, Бишкек Кыргызстандык театр өнөрпоздору жакында эле Орусиянын Екатеринбург шаарындагы эл аралык жаңы муундагы драматургия театралдык фестивалына катышып келишти. Ошол фестиваль тууралуу “Азаттыктын” суроолоруна Турган Бообекова жооп берди.
Ушул апта соңунан Гапар Айтиев атындагы мамлекеттик сүрөт музейинде фотосүрөткер Игорь Сапожниковдун фотокөргөзмөсү жана “Төшөктөр жана бүгүнкү учур” аттуу кыргыз төшөктөрүнүн көргөзмөсү ачылат.
Уланбек Абдырахманов, Талас Талас шаарында Казакстандык жаш сүрөтчү Абдусамат Каримов жеке сүрөт көргөзмөсүн өткөзүүдө. Таластык сүрөтчүлөрдүн айтымында, эки мамлекеттин ортосунда мурда союз мезгилинде сүрөт көргөзмөлөр тез-тез өткөзүлүп келген. Ал эми азыркы тапта мындай чыгармачыл алакага Кыргызстан менен Казакстандын чегара, бажы кызматтары тоскоолдук кылууда.
“Талант тагдыры” аттуу музыкалык түрмөгүбүздүн өткөндөгү чыгарылышында Ысык-Көлдүн бугу уруусунан чыккан таанымал манап, элчи, саяпкер, олуя, комузчу Кыдыр аке Байсары уулунун туулган күнүнүн 165 жылдыгына, өмүрүнө, тагдырына, комузчулугуна, арналган эле. Ошол түрмөктүн экинчи бөлүгү назарыңыздарда.
26-июлда Бишкекте ачылып, Чолпон-Атада улана турган Борбор Азия мамлекеттеринин “Оймо-2008” фестивалынын максаты – улуттар ортосундагы маданий байланыштарды тереңдетүү жана айыл кол өнөрчүлүгүн көтөрүү болуп саналат.
Маектешкен Шайырбек Эркин уулу, Бишкек Бүгүн атактуу дирижер СССРдин жана Кыргыз Республикасынын эл артисти, Кыргыз эл баатыры, кыргыздын таланттуу уулдарынын бири Асанкан Жумакматов акыркы сапарга узатылды. Маркумдун өмүрү чыгырамачылыгы тууралуу “Азаттыктын” таңкы түз обосунда Эсенбүбү Молдокулова айтып берген эле.
Үстүбүздөгү жылдын 21-июлунда күтүүсүз жүрөк оорудан Кыргыз музыкасынын туусу болгон туңгуч залкар, дирижер СССРдин, Республиканын эл артисти, Кыргызстандын эл баатыры, Мамлекеттик Токтогул атындагы сыйлыктын ээси, академик, профессор Асанкан Жумакматов дүйнөдөн кайткан эле. 23-июлда кыргыз коомчулугу кайталангыс таланттагы улуу инсанды келбес жайга узатышат.
Дагы жүктөңүз