Сүрөт баян
Быйылкы Айт намаз мечиттерде окулду
Кыргызстанда быйылкы Орозо айт намазы коопсуздук масесинен улам мечиттерде гана окулду. Коомдук коопсуздукту сактоо максатында өлкө боюнча 10 миңден ашуун милиция кызматкери тартылып, мечиттерди кайтарууга алды. Өлкөдө буга чейинки Орозо айт намазы өкмөт үйүнүн алдындагы аянтта окулуп келген.
Казакстанда үйлөрдү суу каптап, эл эвакуация болду
Казакстандын 10 облусу суу каптоо коркунучуна кептелди. Айрыкча Костанай облусунда абал оор. Айрым райондордо өзгөчө кырдаал жарыяланды. Жашоочулар бийликти кырсыктын алдын алууга даярданбаганы үчүн сынга алышууда. ("Азаттыктын" казак кызматынын фотобаяны)
Футбол: Кыргызстан дүйнө чемпионатына чыга алабы?
Футбол боюнча Кыргызстандын улуттук курама командасы Кытай Тайбэйин 5:1 эсебинде утту. Оюн Бишкектеги Дөлөн Өмүрзаков атындагы борбордук стадиондо 26-мартта өттү. Оюндагы голдорду Кыргызстан тараптан Жоел Кожо (үч гол), Християн Браузман, Кими Мерк жана Кытай Тайбэйи тараптан У Ен-Шу киргизди.
Сулайман-Тоонун көркүн ачкан көктөм
Жаз келип, Оштогу Сулайман-Тоого сейилдегени чыккандар көбөйдү. ЮНЕСКОнун Дүйнөлүк маданий жана жаратылыш мурастарынын тизмесиндеги Сулайман-Тоонун көркүн ачкан өрүк гүлдөрү жана табияттан ырахат алып жүргөн тургундарды “Азаттыктын” кабарчысы сүрөткө тартып келди.
Москва: 130дан ашуун өмүрдү алган кол салуу
22-марттын кечинде Москванын четиндеги Красногорск шаарындагы "Крокус Сити Холл" концерттик залында ок атуу болду. 130дан ашуун адам каза болуп, 100дөн ашуун киши жарадар тапкан окуядан кийин Тергөө комитети "теракт" деп кылмыш ишин козгоду. Орусиянын президенти Владимир Путин “Крокус Сити Холлдогу” кол салуунун курмандыктарына байланыштуу 24-мартты жалпы улуттук аза күтүү күнү деп жарыялады.
Кыргызстандагы Нооруз
21-март Нооруз майрамына арналган салтанаттуу иш-чаралар Кыргызстандын бардык аймактарында өтүп жатат.
Суу, мектеп, ФАП жок. Өгөйлөнгөн Ак-Жар
Ак-Жар конушу "Дордой" базарынын жанында, шаардын түндүк тарабында жайгашкан. Аянты 150 гектарга чукул. Туруктуу жашаган калкынын саны 10 миңден ашат. Айылда мектеп, оорукана, бала бакча маселеси чечилген эмес. Ал эмес жер тилкелерин мыйзамдаштыруу кыйын болгондуктан, жарык жана ичүүчү суу маселеси да чечиле элек.
Абасы быйыл тазарган Калыс-Ордо
2002-жылы негизделген Калыс-Ордо конушунда башка конуштарга караганда жолу оңдолуп, суусу чечилип, шарты кыйла жакшырып калган. Бишкектеги айланма жол жакта жайгашкан бул конуштун жалпы аянты 135 гектарды түзөт. Учурда конушта 10 миңге жакын киши жашайт.
"Согуш болбосун", "Кечирбейбиз". Москва Навальный менен коштошту
Москвада түрмөдө каза болгон орусиялык активист Алексей Навальный акыркы сапарга узатылды. Орус бийлиги анын сөөгүн үй-бүлөсүнө дароо өткөрүп берген эмес.
Азия Кубогу: Афиф Катарды чемпион кылды
Чабуулчу Акрам Афифтин пенальтиден киргизген үч голу менен Катар курама камандасы Азия Кубогун жеңип алды. Финалдык беттеште чемпиондор Иордания курамасын 3:1 эсеби менен утту.
Азия Кубогу-2023: Катарда футбол майрамы башталды
12-январда башталган мелдеш 10-февралга чейин уланат. Тайпалык оюндар 25-январга чейин өтөт. Ар бир тайпадан экиден команда жана үчүнчү орунга ээ болгон төрт мыкты команда плей-оффко же болбосо 1/8 финалга жолдомо алат.
Орусия Украинанын ири шаарларын бутага алды
2-январда Украинанын баш калаасы Киев жана Харьков шаарларына урулган орус армиясынын аба соккуларынан кеминде беш адамдын өмүрү кыйылды.
Facebook шеринеси