Анын айтымында, бийлик муну менен Куловдун саясий негизде камакка алынгандыгын далилдеп жатат. Анткени, бийлик Аксы окуясы боюнча айыпталып жаткандарды коргоочулар Жогорку Кеңештин имаратынын алдында жана башка жер-жерлерде митинг,пикеттерди өткөрүп жатса эч кандай каршылык кылышкан жери жок. Ал эми Куловду жактоочуларды дароо кармоодо» -деди Турсунбек Акун. Ушул эле пресс-конференцияда Клара Ажыбекова 16-октябрда ага ачкачылыкты токтотуу талабы менен туугандары жана балдары келгендигин, буга бийликтин кыстоосу түрткү бергендигин билдирди. 16-октябрда Феликс Куловду бошотуу талабы менен ачкачылык жарыялаган адамдардын саны 32 болду. Мурдагыдай эле алардын сегизи Бишкекте, бешөө Базар-Коргон районунда, бешөө Жалал-Абадда, ону Аламүдүн районунун Байтик айылында жана төртөө Ош шаарында турушат.
Феликс Куловдун бошотуу талабы менен Ошто ачкачылык жарыялаган жарандардын 15-октябрда кармалышы бизди абдан кыжырдантты-деп билдирди 16-октябрда өткөрүлгөн пресс-конференцияда Куловду коргоо боюнча республикалык комитеттин төрагасы Турсунбек Акун.
