4-декабрда Ош шаардык кеңешинин кезексиз сессиясы болду.

ОШ. Сессияда депутаттардын Ош шаардык кеңешинин төрагасы Кудайберди Азимов Ош шаарынын көптөгөн тургундары, коомдук уюмдар Ош шаарында да Бишкектегидей митинг, пикет, жүрүш өткөрүүгө уруксат берүүнү убактылуу токтотууну өтүнгөнүн кабарлап, бул боюнча 3 айлык мораторий кабыл алууну сунуштады. Кыска убакыттагы талкуудан кийин депутаттар ачык добуш берүү жолу менен Ош шаарында митинг, пикет, жүрүш өткөрүүнү убактылуу токтотуу боюнча мораторийди кабыл алышты.