Шайлоо Кодексин одоно бузган деген себеп менен кызматынан алынган №35 «Ош-3000» округдук шайлоо комиссиясынын мурдагы төрагасы Жаңыбай Алдашевге карата кылмыш иши козголду. Ош шаардык прокуратурасы Жаңыбай Алдашевдин үстүнөн Кыргыз Республикасынын кылмыш жана жаза кодексинин 305-беренеси боюнча кылмыш ишин козгоду. Бирок, учурда Алдашев ооруканада жатканына байланыштуу тергөө иши баштала элек. Ал эми №35 «Ош-3000» округдук шайлоо комиссиясынын төрагалыгына Төлөгөн Усупбеков менен Абдыкалык Балтабаевдин талапкерилиги сунушталды. Жакынгы күндөрү экөөнүн бири округдук шайлоо комиссиясына төрага болот.
Кожогелди Култегин
