БИШКЕК. 25-декабрда Кыргызстан менен Тажикстандын мамлекеттик чек ара тилкесин аныктоочу өкмөт аралык комиссия ишин улантты. Тажик делегациясынын башчысы, бул өлкөнүн тышкы иштер министринин орун басары Салохеддин Насриддиновдон алынган маалыматка караганда, комиссия бул жолу комиссиянын иштөөсүнө негиз берчү жобону иштеп чыгуу аракетин көрүүдө. Андан тышкары, Кыргызстан менен Тажикстандын мамлекеттик чек арасын аныктоого негиз бере турган ар кайсы жылдардагы карталарды изилдеп жатат. Комиссия бул жолку отурумун 28-декабрда аяктайт.
