Кошмо Штаттар Украинага караштырылган миллиондогон долларлык жардамды токтото туруу чечимин кабыл алды. Мамлекеттик департаменттин өкүлү билдиргендей, Вашингтон мындай чарага Украина убагында жашыруун түрдө Иракка абадан коргонуу системаларын саткан деген айыптоолордон улам барууда. АКШ бюджетинде украин өкмөтүнө жардамга деп каралган 34 млн доллар Украинадагы өкмөттүк эмес уюмдарга багытталмакчы. Каражаттын дагы бир бөлүгү дүйнөдөгү кеңири кыруучу куралдарды жайылтпоо программасына жумшалат.
