Өткөн ишемби күнү каза болгон америкалык жети астронавтка аза күтүү митинги 5-февралда АКШнын Хьюстон шаарында болуп өттү жана ага 10 миңден ашык адам катышты. Жыйынга президент Жорж Буш дагы жубайы менен келип, сөз сүйлөдү. 16-январда учурулган "Колумбия" аттуу космос чөлмөгү 1-февралда жерге коноор алдында жарылып кеткен жана анын себептери аныктала элек. Кеменин ичиндеги жети астронавт тең курман болду, алардын арасында Израил жараны Илан Рамон жана Индияда туулган Калпана Чаола да болгон.
