Эмки аптада Бээжинде Түндүк Корея маселеси боюнча сүйлөшүүлөр башталат

Женева шаарында өтүп жаткан Бириккен Улуттардын Адам укуктары боюнча комиссиясынын сессиясында Түндүк Кореядагы адам укуктарынын бузулушун сынга алган резолюция кабыл алынды. Эмки аптада Бээжинде Түндүк Кореянын өзөктүк маселесине арналган эл аралык жыйын өтүүгө тийиш. Ага АКШ, Кытай жана Түндүк Кореянын дипломаттары катышат жана Вашингтондун айтымында, сүйлөшүүгө Жапония менен Түштүк Кореянын өкүлдөрү да чакырылууга тийиш.