Израилдин согуштук авиациясынын ракеталык чабуулунан бейшембиде Газа секторунда жети киши мерт болуп, 60тан ашуун адам жаракат алышты. Өлгөндөр арасында палестиндердин "Хамас" уюмунун командири, анын аялы жана үч жашар кызы да бар. Ага удаа Иордандын Батыш жээгинде куралчан палестиндер машинеде бараткан бир жөөттү өлүмгө кыйышты. "Хамастын" өкүлү Махмуд аз-Захр хамасчылар Израилдин аба соккулары үчүн жерден өч алаарын жарыялады.
