АКШнын Ирактагы аскерлери Саддам Хусейиндин куралдуу жактоочуларын колго түшүрүү максатында, Багдаддан 70 чакырым батышта жайгашкан Фаллуджа шаарында ири аскердик операцияларды өткөрүүдө. Абадан аткылоо менен коштолгон аскердик чабуул мезгилинде, Саддам Хусейндин учурундагы Ирактын аскер аба күчтөрүнүн жетекчиси Хамид Рджу Шала аль-Ткрити баш болгон жети жогорку даражалуу жетекчи колго түшүрүлдү. Аскердик операцияга минден ашуун жоокерлер катышууда.
