БИШКЕК. Президенттин басма сөз кызматынын бүгүнкү маалыматына караганда, Кыргызстандын Улуу Британиядагы жана Түндүк Ирландия Королдугундагы элчиси болуп Уркалый Исаев дайындалды. Буга байланышкан жардыкка президент 25-июлда кол койгон. Уркалый Исаев буга чейин чет өлкөлүк инвестициялар жана экономикалык өнүгүү боюнча мамлекеттик комитетти башкарып келген жана кийинчерээк бул тармак кайра түзүлгөн. Ал эми Кыргызстандын Улуу Британиядагы мурдагы элчиси Роза Отунбаева былтыр башка кызматка которулгандыктан, элчиликти буга чейин Канат Турсункулов убактылуу жетектеп келген.
