АКШнын Ирактагы аскерлеринин маалымат кызматынын кабарлоосуна караганда, өткөн түнү Багдадда жүргүзүлгөн рейдде 9 адам кармалды. Алардын төртөөсү Баас партиясынын мүчөлөрү. АКШнын аскерлери Саддамдын тарапкерлерине каршы күрөштү жана Саддам Хусейиндин өзүн табууга аракетти күчөтүүдө. Бириккен Улуттар Уюмунун маалыматы боюнча келээрки жылы Ирак мунай сатуудан 15 млрд доллар алат. Бирок Ирактын мамлекеттик кызматтарынын иштеп туруусу үчүн 20 млрд доллар керек. Ошондуктан Ирак боюнча эл аралык донорлордун октябрь айына белгиленген конференциясында 5 млрд доллар бөлүнүүгө тийиш.
