Иерусалим шаарында ири террор аракети ишке ашырылгандан кийин, Палестинанын премьер-министри Махмуд Аббас бүгүн өкмөттүн шашылыш жыйынын чакырууда. Бүгүн ал "Хамас" уюмунун жетекчилери менен дагы жолукмак, бирок жыйынды кийинкиге калтырды. Кечээ күнү Иерусалим шаарындагы автобустун жарылышы үчүн жоопкерчиликти "Хамас" жана "Исламдык жихад" деген эки уюм өзүнө алды. Жарылуудан 20 адам курман болуп, дагы жүздөн ашык киши жараат алган. Жарылуу болоору менен Израил Палестина өкмөтү менен өтүп жаткан сүйлөшүүлөрдү үзүп, басылып алынган араб жерлерин Палестинага кайтаруу жараянын токтотту.
