АКШ Малазиянын он атуулунун банктардагы акчасын жүгүртүүнү токтотту. Буга алардын “Ал-Каида” жана “Жемаа исламия” террорчул уюмдары менен байланышы бар деп, шектелиши негиз болду. Алардын бешөө азыр Малазияда камакта, бирөө Индонезияда кармалган. Калгандарын издөө жарыяланды. Эл аралык террорчул уюмдар менен байланышы бар деп шектелген малазиялыктардын аты-жөндөрү АКШ өкмөтүнүн Интернет баракчасына жарыяланды. «Ал-Каида” жана “Жемаа Исламия» менен байланышы бар деп шектелген дагы он адамдын каражаттары жүгүртүүдөн алынды. Алардын экөө Индонезиянын атуулдары болуп чыкты.
