Дүйнөнүн эң өнүккөн жети мамлекетинин каржы министрлери жана борбордук банктарынын төрагалары бүгүн Дубаи шаарында жолугуп, дүйнөдөгү абалды талкуулады. Каралган маселелер арасында дүйнөлүк экономикалык өсүш, акчалардын катнашы жана Ирак менен Палестинага жардам көрсөтүү болду. Министрлердин айтымында, 500 миллиард долларга жеткен АКШнын бюджет тартыштыгы эл аралык абалга да коркунуч түзүүдө. Өнүккөн өлкөдөр катарына АКШ, Алмания, Канада, Италия, Жапания, Улуу Британия жана Франция кирет.
