Бириккен Улуттардын баш катчысы Кофи Аннан кечээ күнү атайын билдирүү жасап, Израил өкмөтү Бириккен Улуттар Уюмунун резолюциясын бузуп жатат деп билдирди. Октябр айында кабыл алынган резолюция боюнча, жөөт өкмөтү араб аймактарында жаңы коопсуздук тосмолорун курбашы керек, бирок Израил андай аракеттерди улантууда. Жөөт өкмөтүнүн айтымында, тосмолор террорчуларды тосуу максатында тургузулат. Палестина жетекчилигинин айтымында болсо, аны менен жөөттөр араб жерлерин басып алууну улантууда.
