БИШКЕК. 25-27-декабрда Кыргызстанда Монголиянын Улуу мамлекеттик Хуралынын делегациясы ырасмий визит менен болот. Аны Монголия парламентинин төрагасы Санжбегзийин Тумур-Очир баштап келип, Жогорку Кеңештин кош палатасынын төрагалары, премьер-министр Николай Танаев жана бир катар министрликтердин жетекчилери менен жолугушат. Анда Кырызстан менен Монголиянын ортосундагы байланыштарды өнүктүрүү талкууланат. Мындай маалымат бүгүн Эл өкүлдөр жыйынынын басма сөз кызматынан алынды.