БИШКЕК. Февраль айында Орусиянын Санкт-Петербург шаарынын губернатору Валентина Матвиенко Кыргызстанга иш сапар менен келет. Бул маалыматты бүгүн Орусиянын Кыргызстандагы элчилигинин кызматкерлери да ырасташып, бирок, иш сапардын качан болору жана максат, милдеттери такталып жаткандыгын кабарлашты. Маалыматка караганда, Валентина Матвиенко Кыргызстандын жетекчилери менен жолугушуп, Санкт-Петербург менен Кыргызстандын тарыхый байланыштарын чыңдоо багытында сүйлөшүүлөрдү жүргүзөт. Андан тышкары Орусиянын Канттагы авиабазасынын абалы менен таанышаары болжолдонууда.
