Гаага шаарындагы Эл аралык сот эки күндөн бери Жакынкы Чыгыштагы абал менен байланышкан ишти кароодо. Израил тарабынан Палестинада - жөөттөр менен арабдарды бөлгөн дубал курулуп жатат жана сотко палестиналык арабдар кайрылган, анткени дубал - басылып алынган араб жерлеринде курулууда. Израилдин айтымында, андай дубалсыз азыр коопсуздукту сактоо мүмкүн эмес. Сот өз чечимин Бириккен Улуттардын Коопсуздук Кеңешине эртең тапшырууга тийиш.
