Бишкек. Шаршембиде (31-мартта) Жогорку кеңештин кош палатасынын биргелешкен жыйыны өткөрүлөт. Отурумга мамлекет башчы Аскар Акаев катышып, сөз сүйлөйт. Президенттин маалымат кызматынан алынган маалыматка караганда, биргелешкен жыйында буга чейин президент тарабынан сунушталган айрым жаңы өкмөт мүчөлөрү ант беришет. Ал эми эл өкүлдөр жыйынынын маалымат кызматынын кабарлоосуна караганда, 31-мартка чейин эл өкүлдөр жыйыны буга чейин сунушталган айрым өкмөт мүчөлөрүн бекитүүгө макулдук беришмекчи.
