БИШКЕК. Өзбекстандын Фергана облусуна караштуу Сох району менен чектеш Кыргызстандын Баткен облусунун Баткен районундагы «Бозадыр» чегара бекети 5 чакырымга эмес, 2,5 чакырымга Кыргызстандын аймагына карай жылдырылган. Чектеш райондогу 7 гектар жер талаш-тартыштуу жер болгондуктан, бул маселе боюнча 2003-жылы кыргыз-өзбек комиссиясы түзүлүп, ушундай чечим кабыл алынган. Бирок тараптар кыргыз-өзбек өкмөт аралык комиссиясынын бүтүмүнө чейин бул маселени көтөрбөй турууну макулдашышкан. Ошондой эле “бул чегара бекетинде жашоого шарт жок”,-деп билдирди өлкөнүн чегара кызматынын төрагасы Калмурат Садиев бүгүн маалымат жыйынында. Ал эми буга чейин «Общественный рейтинг» гезитинин 18-мартындагы санында кыргыз чегарачылары «Бозадыр» чегара бекетин өзбектерге таштап, чегарачылар Кыргызстандын аймагына карай 5 чакырымга жылдырылгандыгы жөнүндө макала жарыяланган.
Калмурат Садиевдин айтымында, учурда бул жерде Кыргызстандын үч чегара кызматкери иштөөдө. Ал эми парламенттин Баткен облусунан шайланган депутаты Самат Бөрүбаев К.Садиевдин мындай билдирүүсүнө макул эмес.
Калмурат Садиевдин айтымында, учурда бул жерде Кыргызстандын үч чегара кызматкери иштөөдө. Ал эми парламенттин Баткен облусунан шайланган депутаты Самат Бөрүбаев К.Садиевдин мындай билдирүүсүнө макул эмес.
