АНКАРА. Түркиянын соту 9 адамга НАТОнун июнда боло турган Стамбул саммитинин учурунда терракт уюштурууга даярданган деген айып такты. Бурс шаарында баш-аягы 16 киши кармалды. Алардын жетөө бошотулду. Полициянын маалыматына караганда, камалгандар “ал-Каида” террордук тобу менен байланышы бар "Ансар аль-Ислам" уюмунун өкүлдөрү болушкан. Шаардын губернатору Огаз Каган Коксалдын айтымында, кармалгандар синагоганы жардырууну жана банкты тоноону пландаштырышкан.
